Քաջարանի գյուղապետ Ռաֆիկ Աթայանը, որը ի նշան բողոքի հրաժարական էր ներկայացրել, «Առաջին լրատվական»-ի հետ զրույցում տեղեկացրեց, որ այսօր Սյունիքի մարզպետարանում հանդիպել է մարզպետ Սուրիկ Խաչատրյանի հետ:
«Ինձ ասաց` մենք իրար հետ աշխատելու ենք: Դիմումս ուժի մեջ է: Ես էլ ասել եմ, որ մինչև վերջ պայքարելու եմ: Վսյո, պրծավ գնաց»,- ասաց Ռ. Աթայանը:
Հարցին` արդյո՞ք դա նշանակում է, որ գյուղապետը հետ է վերցրել իր դիմումը, նա պատասխանեց, որ «ինքը դիմում չի տեսել, դիմում հետ չի վերցրել»:
«Ես համաձայնվել եմ, բայց պայքարելու եմ մինչև վերջ»,- հայտարարեց Քաջարանի գյուղապետը` վերահաստատելով իր մասնակցությունը պայքարին:
«Հա, ես համաձայնվել եմ, բայց դիմում չեմ տեսել: Ուժի մեջ է դիմումս: Դիմումս դեռ չի մակագրվել: Պայքարելու եմ մինչև վերջ»,- ասաց Ռ. Աթայանը: