Pegatron ընկերության գործարանում, որը բաղադրիչ մասեր է արտադրում Apple սարքավորումների համար, տեղի ունեցել է պայթյուն, որի հետևանքով տուժել է 61 մարդ:
Ինչպես հայտնում է Reuters գործակալությունը, միջադեպը տեղի է ունեցել շաբաթ Շանհայի գործարանում: Հաստատությունը ղեկավարում է Pegatron-ի դուստր RiTeng Computer Accessory ընկերությունը:
Տուժածների մեծամասնութունը ստացել է թեթև վնասվածքներ, սակայն 23 մարդ այրվածքներով հոսպիտալացվել է: Pegatron-ի ներկայացուցիչները հայտարարել են, որ նրանց կյանքին վտանգ չի սպառնում: Գործարանի սարքավորումները նվազագույն վնաս են ստացել, սակայն գործարանի աշխատաքները դադարեցվել է մինչև միջադեպի պատճառների պարզաբանումը:
Նախնական վարկածով՝ պայթյունը տեղի է ունեցել օդում ալյումինային փոշու կուտակման հետևանքով: Այդ պատճառով 2011 թվականի մայիսին պայթյուն էր տեղի ունեցել Foxconn ընկերության գործարանում, որը նույնպես համագործակցում է Apple-ի հետ: Այդ ժամանակ մահացել էր երեք մարդ:
Թե ինչ ապրանքներ է թողարկել Շանհայի գործարանը, չի հստակեցվում, սակայն հայտնի է, որ թայվանական RiTeng Computer Accessory ընկերությունը Dell, Hewlett-Packard, Asus և այլ արտադրողներին մատակարարում է անձնական համակարգիչներ:
Apple-ի չի պատմում իր և իր մատակարարների հարաբերությունների մասին, սակայն ենթադրվում է, որ Pegatron-ը iPhone սարքերի համար մատակարարում է բաղադրիչ մասեր:
