Բրիտանացի թեթևաթլետ Ջեյմս Էլլինգթոնը eBay հայտնի ինտերնետային խանութի միջոցով գտել է հովանավոր, ով պատրաստ է Լոդոնի 2012 թվականի Օլիմպիական խաղերին մասնակցության ծախսերը հոգալու համար իրեն տրամադրել 32.550 ֆունտ (ավելի քան 50. 000 ԱՄՆ դոլար):
10 օր տևած աճուրդի ժամանակ արվել է 71 առաջարկ: Էլլինգթոնը հայտարարել է, որ մրցույթին նախապատրաստվելու համար իրեն անհրաժեշտ է 30.000 ֆունտ:
Առողջության հետ կապված խնդիրների պատճառով, որը տևեց 4 տարի, վազորդը կորցրեց իր բոլոր հովանավորներին: Այդ պատճառով նա eBay-ում իրեն աճուրդի էր հանել և խոստացել, որ բոլոր մարզումների և Օլիմպիական խաղերի բոլոր միջոցառումների ժամանակ կկրի իր հովանավորին գովազդող մարզահագուստ:
