Ավստրալիայի Սուինբերն համալսարանի գիտնականները համոզված են, որ կակաոյի ամենօրյա օգտագործումը կարող է բարձրացնել մարդու ուղեղի աշխատանքի արդյունավետությունը:
Ինչպես հայտնում է ABС պորտալը, հետազոտության արդյունքներով գիտնականները եկել են այն եզրակացության, որ ֆլավանոլները, որոնք պարունակում են կակաո, լավացնում են հիշողության աշխատանքային տարածքը, որը տեղեկություններ է կուտակում և այն հասանելի է դարձնում հետագա մշակման համար:
Հետազոտության ղեկավար Դևիդ Քեմֆիլդի խոսքերով, ֆլավանոլի շնորհիվ մարդը շատ ավելի լավ է լուծում հիշողության հետ կապված ցանկացած խնդիր:
Փորձի արդյունքները ստացվել են հիշողության թեստի ստուգման արդյունքում, որին մասնակցել է 63 մարդ: Նրանց հանձնարարված էր մեկ ամսվա ընթացքում խմել կակաո` տարբեր չափաբաժիններով:
Հետազոտության հեղինակի խոսքերով, փորձարկման սկզբում և վերջում ստացված արդյունքները տարբեր էին: Վերջնարդյունքում պարզվել է, որ կակաո խմող մարդիկ խնդիրը լուծել են ավելի լավ:
Այնուամենայնիվ, գիտնականները նշում են, որ դեռ վաղ է վերջնական եզրակացությունների մասին խոսել, քանի որ ավելի ճշգրիտ արդյունքներ ստանալու համար պահանջվում է երկարատև հետազոտություն:
