Բարձրաստիճան ամերիկացի պաշտոնյաները հայտնել են, որ ԱՄՆ-ի և թալիբների միջև 10 ամիս տևած գաղտնի բանակցությունները հասել են կարևոր կետի, և իրենք շուտով կիմանան, թե արդյոք դրանցում առաջընթացը հնարավոր է, թե՝ ոչ: Եթե՝ այո, ապա դա կնշանակի, որ կարելի է սկսել աֆղանական պատերազմի ավարտի շուրջ բանակցությունները։
Reuters-ը տեղեկացնում է, որ, որպես բանակցությունների արագացման համար ընտրված դիվանագիտության մաս, ԱՄՆ-ը պատրաստվում է անհայտ թվով թալիբ բանտարկյալների Գուանտանամո Բեյի բանտից տեղափոխել աֆղանական կառավարության կալանավայր:
ԱՄՆ-ը խնդրել է թալիբներին ներկայացնել նաև իրենց ներդրումները բանակցությունները նպատակակետին հասցնելու հարցում` առաջարկելով, օրինակ, դադարեցնել միջազգային ահաբեկչությունները և սկսել նորմալ քաղաքական երկխոսություն Աֆղանստանի նախագահ Համիդ Քարզայի հետ:
