Մարդու իրավունքների Եվրոպական դատարանի Մեծ պալատի կոլեգիան մերժել է Միխայիլ Խոդորկովսկու միջնորդությունը՝ վերանայել մայիսին իր հանդեպ կայացված դատավճիռը: Ինչպես հաղորդում է Коммерсантъ-ը, դա նշանակում է, որ Խոդորկովսկին փոխհատուցում կստանա կալանքի տակ երկար պահվելու և բանտում վատ պայմանների համար, սակայն քաղբանտարկյալ նրան հրաժարվել են ճանաչել: Այսպիով, որոշումը օրենքի ուժ է ստացել:
Դատարանն ընդունել է Խոդորկովսկու նկատմամբ ձերբակալության ժամանակ և բանտում կիրառված բազմաթիվ խախտումները՝ պարտավորեցնելով Ռուսաստանին նրան վճարել 10 հազար եվրո որպես բարոյական վնասի փոխհատուցում, ինչպես նաև փոխհատուցել «տեխնիկական բնույթի և իրավաբանական օգնության ծախսերը»՝ 14,543 եվրոյի չափով: Գումարը Ռուսաստանը պետք է վճարի երեք ամսվա ընթացքում: Սակայն դատարանը իշխանությունների գործողություններում քաղաքական դրդապատճառներ չի գտել, ինչպես նաև ընդունելի է համարել ձերբակալությունից հետո Խոդորկովսկուն պահելու պայմանները մինչև 2005թ. նրա դատավճիռը, ինչպես նաև նրա ձերբակալության օրինականությունը:
Թերթը գրում է, որ ռուսական կողմը դատարանի վճիռը չի բողոքարկել:
