Ադրբեջանական APA լրատվական գործակալության փոխանցմամբ, Ադրբեջանի պաշտպանական արդյունաբերության նախարար Յավեր Ջամալովը հայտարարել է, որ Ադրբեջանը պլանավորել է 2014 թվականին անցկացնել միջազգային ռազմական ցուցահանդես.
«Այդպիսի ցուցահանդես կազմակերպելը դժվարին գործընթաց է և պահանջում է մեծ նախապատրաստական աշխատանք։ Այդ ամենը կպահանջի նվազագույնը 2 տարի։ 2006 թվականին Ադրբեջանում արտադրվում էր 42 զինատեսակ, մինչդեռ այժմ այդ ցուցանիշը հասցվել է 658-ի»։
Ջամալովը հայտարարել է, որ մինչև 2012 թվականի տարեվերջ Ադրբեջանի զինված ուժերը կհամալրվեն Aerostar և Orbiter-2M տիպի անօդաչու թռչող սարքերով։
