ԱՄՆ նախագահ Բարաք Օբաման հրեական խմբին ասել է, որ իր վարչակազմն Իսրայելին աջակցելու համար արել է շատ ավելին, քան որևէ այլ մեկը։
Associated Press-ը հայտնում է, որ նախագահ Օբաման այսպիսի հայտարարությամբ հանդես է եկել, քանի որ Հանրապետականները նրան մեղադրել են Իսրայելին բավականաչափ չաջակցելու մեջ: Բայց նախագահն ասել է, որ փաստ է այն, որ իր վարչակազմը միշտ եղել է Իսրայելի կողքին՝ ՄԱԿ-ում և ամենուր։ «Թույլ մի տվեք, որ մեկ ուրիշը ձեզ այլ բան ասի»,– ասել է նախագահը:
Նախագահն այսպիսի հայտարարությամբ հանդես է եկել ուրբաթ օրը՝ Հուդայիզմի բարեփոխումների միության համաժողովի ժամանակ, որը Հյուսիսային Ամերիկայի հրեաների ամենամեծ համաժողովն է:
