Հայաստանի արդյունաբերողների և գործարարների միության նախագահ Արսեն Ղազարյանը լիովին համամիտ է ՀՀ-ում Արժույթի միջազգային հիմնադրամի ներկայացուցիչ Գիերմո Տոլոսայի հետ, որ ՀՀ իշխանությունները պետք է արագացնեն տնտեսությունում իրականացվող բարեփոխումների տեմպերը: «Առաջին լրատվական»-ի հետ զրույցում Ա. Ղազարյանն ԱՄՀ-ի ղեկավարության գնահատականը 2 մասի բաժանեց՝ բարեփոխումներ և ձեռքբերումներ կան, բայց բավարար չեն և այն, ինչ ասում են գործարարները՝ բարեփոխումների գործընթացը ճիշտ է գնում, բայց տեմպային արագություն է հարկավոր:
«Մենք էլ ենք գտնում, որ մոտակա 1-2 տարում որակապես պետք է բարեփոխումների գործընթացը արագացնել, հիմնարար արդյունքների հասնել, որպեսզի այն, ինչ քաղաքական ղեկավարությունը կանխորոշել է՝ հավասար մրցակցություն, կոռուպցիայի մակարդակի նվազեցում, մենաշնորհների փոքրացում, գերակա դիրք ունեցող ձեռնարկություններին մրցակցային դաշտ բերել, այդ արդյունքները ձեռք բերենք»,- ասաց Ա. Ղազարյանը:
