Մեծ Բրիտանիայի Քովենթրի քաղաքում հազվադեպ բնական երևույթ է տեղի ունեցել. երկնքից մարդկանց վրա խնձոր է թափվել։
Ինչպես հաղորդում է BBC-ն, քաղաքի թաղամասերից մեկում երկնքից հարյուրավոր խնձորներ են ընկել, ինչը սարսափի մեջ է գցել տեղի բնակիչներին: Տուժողներ չեն եղել, սակայն որորշ մեքենաներ վնասվել են:
«Ամեն ինչ այնքան անսպասելի էր և անհասկանալի, որ մարդիկ պարզապես քարացել էին»,- պատմել է ականատեսներից մեկը:
Օդերևությաբանները հայտնել են, որ, ամենայն հավանականությամբ, խնձորներն օդ է բարձրացրել հանգստյան օրերին Անգլիայում մոլեգնած ուժեղ քամին: Գիտնականների կարծիքով՝ խնձորների «ամպը» մինչև Քովենթրի հասնելը հաղթահարել է մի քանի տասնյակ կիլոմետր:
BBC-ն նաև հայտնում է, որ խնձորների ընկնելու վայրից քիչ հեռու երկնքից թափվել են նաև գազարներ և կաղամբներ:
