ԱՄՆ նախագահ Բարաք Օբամայի վարչակազմը պատրաստվում է ստեղծել հիմնադրամ Ռուսաստանի քաղաքացիական հասարակության աջակցությունն ավելացնելու համար: Այս մասին հայտնել է ԱՄՆ պետքարտուղարի փոխօգնական Թոմաս Մելիան:
Ինչպես հաղորդում է lenta.ru-ն, Մելիան ասել է, որ այսպիսի առաջարկով նախագահի վարչակազմը հանդես է եկել դեռ հոկտեմբերին: Հիմնադրամի կապիտալը 50 մլն դոլար է: Մելիան նշել է, որ գումարները կհատկացվեն ոչ կառավարական կազմակերպություններին, որոնք նպաստում են Ռուսաստանում բազմակարծիք և բաց հասարակության ստեղծմանը:
Մելիան նշել է, որ 2009թ.-ից ԱՄՆ-ը Ռուսաստանում ժողովրդավարության և քաղաքացիական հասարակության աջակցության համար հատկացրել է շուրջ 160 մլն դոլար: Նա հատկապես նշել է Голос ասոցիացիային հատկացվող օգնության մասին: