ՄԱԿ-ի այսօր հրապարակված զեկույցում ասվել է, որ Մյանմարում և Լաոսում, չնայած կառավարության ծրագրերին, վերսկսվել է ափիոնի աճեցումը աղքատ ֆերմերների կողմից, ովքեր գայթակղվում են բարձր գներով և հարևան երկրների մեծ պահանջարկով:
Ափիոնի աճեցման համար օգտագործվող հողատարածքները անցած տարվա համեմատ ընդլայնվել են 14 տոկոսով Մյանմարում և 38 տոկոսով Լաոսում: Այս տեղեկությունները ստացվել են արբանյակային և ուղղաթիռային հետազոտությունների արդյունքում, որոնք իրականացվել են ՄԱԿ-ի թմրամիջոցների և հանցագործությունների գրասենյակի և Մյանմարի ու Լաոսի կառավարությունների կողմից:
Reuters-ը գրում է, որ այս երկու պետությունները մի ժամանակ համարվում էին աշխարհում հերոինի 70 տոկոսի մատակարարները:
