Նյու Յորքի դատախազությունը չորեքշաբթի օրը հայտնել է, որ Իրաքին են վերադարձվել սեղանի սպասքի առարկաների հազվագյուտ նմուշներ, որոնք օգտագործել են երկրի նախկին նախագահ Սադամ Հուսեյնը և վերջին թագավոր Ֆեյսալ Երկրորդը: Այս մասին հաղորդում է РИА Новости-ն:
Պատմական արժեք ունեցող առարկաները գողացվել էին և հասցվել ԱՄՆ-ի տարածք: Այնուհետև այս տարվա նոյեմբերին վաճառվել էին e-bay աճուրդի ժամանակ:
Նոր տերն ինքնակամ վերադարձրել է այդ առարկաները ամերիկյան իշխանություններին, որոնք էլ փոխանցել են դրանք ՄԱԿ-ում Իրաքի մշտական առաքելության ներկայացուցիչներին:
