Էլիզաբեթ Թեյլորի զարդերի հավաքածուն դերասանուհու իրերի` Նյու Յորքում տեղի ունեցող 4-օրյա աճուրդի առաջին օրվա ընթացքում վաճառվել է ռեկորդային գնով, որը կազմել է 115 միլիոն դոլար:
11.8 միլիոն դոլարը ստացվել է միայն մարգարտե մեկ վզնոցի վաճառքից, իսկ 8.8 միլիոնը` ադամանդե մատանու վաճառքից, որը դերասանուհուն նվիրել էր նրա ամուսին Ռիչարդ Բրթոնը, ում հետ նա ամուսնացել է երկու անգամ:
Associated Press-ը հայտնում է, որ աճուրդից ստացված ողջ հասույթը գնալու է The Elizabeth Taylor AIDS Foundation հիմնադրամին, որը դերասանուհին ստեղծել է 1991 թվականին՝ ՄԻԱՎ/ՁԻԱՀ վարակով հիվանդներին օգնելու համար:
