«Լոքհիդ Մարտին» (Lockheed Martin) ընկերությունը սկսել է նոր սերնդի տիեզերական սարքավորման երկրային փորձարկումները, որը նախատեսված է GPS նավիգացիոն գլոբալ համակարգերի համար: 2014 թվականի մայիսից ուղեծիր են դուրս բերվելու 32 նոր արբանյակներ:
Ինչպես հայտնում է АРМС-ТАСС գործակալությունը, «Լոքհիդի» ներկայացուցիչները լրագրողներին հայտնել են, որ իրենք ստեղծելու են առավել արդյունավետ GPS համակարգ, քան նախկինը:
GPS նորարարության արբանյակային ապահովման թարմացված համակարգը, ընկերության փորձագետների կարծիքով, օգտատերերին ապահովելու է շատ ավելի կայուն ազդանշաններով և օպտիմալացնելու է օբյեկտների տեղակայման հնարավորությունները: Հնարավոր կդառնա անսխալ որոշել ցանկացած սարքավորման կոորդինատները:
Նոր սերնդի յուրաքանչյուր սարքավորման մշակումն ու փորձարկումն արժենալու է 1,5 միլիարդ դոլար: Ֆինանսավորումն իրականացնելու է ԱՄՆ ռազմաօդային ուժերը:
