Գործարար Միխայիլ Պրոխորովի ընկերները, հասկանում են «պոտենցիալ առաջին տիկնոջ» հարցի կարևորությունը և խոստանում են նրան «դրդել այդ ուղղությամբ»: Այս մասին РИА «Новости»-ին պատմել է Պրոխորովի մտերիմներից մեկը:
«Այո, այս խնդիրը՜ անխոս՜ կա, մենք այն քննարկել ենք: Նրա կողմնակիցները նրան ստիպում են մտածել այդ ուղղությամբ»,- ասել է գործակալության զրուցակիցը:
46-ամյա Պրոխորովը, որը Ռուսաստանի հարուստ մարդկանց ցուցակում զբաղեցնում է երրորդ տեղը, երկուշաբթի հայտարարել է, որ մտադիր է իր թեկնածությունն է առաջադրել 2012 թվականի մարտին Ռուսաստանի նախագահական ընտրություններին: Նա երբեք ամուսնացած չի եղել:
Պրոխորովը քաղաքականություն է եկել այս տարվա հունիսին` համաձայնելով գլխավորել «Արդար գործ» կուսակցությունը: Կուսակցության արդեն առաջին համագումարի ժամանակ լրագրողները նրան հարց են տվել ամուսնության վերաբերյալ, որին Պրոխորովը պատասխանել է, որ հավատում է սիրուն և մինչ այժմ սպասում է իր երկրորդ կեսին:
Լրագրողներին ավելի վաղ հայտնի է դարձել գործարարի և նրա ընկերոջ գրազի մասին, որը նրան կնքել էին 17 տարի առաջ: Այդ ժամանակ Պրոխորովը խոստացել էր չամուսնանալ մինչև 42 տարեկանը, սակայն, միլիարդատիրոջ խոսքերով, դա չի նշանակում, որ այդ տարիքին հասնելուց հետո ինքը պետք է փոխի իր ընտանեկան դրությունը:
