Վենետիկի Հանրապետության նշանավոր իրադարձություններից մեկը հայոց Կիլիկիայի Կատերինա Կորնարո 1-ին (Caterina Cornaro-I) թագուհու ժամանումն էր, որի առիթով Վենետիկի հայոց թագուհին Կիպրոսը հանձնեց Վենետիկի Հանրապետությանը և հիմք դրեց պատմական ռեգատային, որը կրկնվում է ամեն տարի:
Հայոց Կատերինա թագուհին մարմնավորում է հայ-վենետիկյան բարեկամության սկիզբը. հայոց անկախության բացակայությունը երկուսին էլ ստիպեց գտնել այլընտրանք:
Վենետիկը հավերժացրեց հայոց ներկայությունը Մխիթարյան միաբանության միջոցով, փորձեց նրան շունչ տալ Մուրադ-Ռաֆայելյան վարժարանով և վերջապես վայելեց իր պատմական բարեկամի` Հայաստանի Հանրապետության անկախությունը:
Վերջապես 20-ամյա պատրաստությունից հետո Վենետիկը նույն պատմական շքեղությամբ ընդունում է հայոց նախագահին:
Նախագահական այցն առանձնահատուկ է բոլոր առումներով:
Հատկանշական է նախագահի այցը «Հայերի ճանապարհ», Սուրբ Խաչ հայոց եկեղեցի և իհարկե` բարձր ընդունելությունը Սուրբ Մարկոս հրապարակում, որտեղ Ս. Սարգսյանի ներկայությամբ կբացվի Հայ գրատպության 500-ամյակին նվիրված ցուցահանդեսը: Այն 4 ամիս կմնա վենետիկցիների և զբոսաշրջիկների ուշադրության կենտրոնում` դառնալով Հայաստանի և հայության մշակույթի ու ազգային ինքնության տարածման յուրահատուկ կարևորության վկան:
Նախագահի այցը Վենետիկ կսկսվի Մխիթարյան միաբանության մայրավանքից` ընդգծելով նրա կարևորությունը ազգային մշակույթի պահպանման գործում:
Correr թանգարանում հայկական ցուցահանդեսի բացումից հետո նախագահի պատվին ելույթ կունենա Marziana երգչախումբը, որից հետո նախագահի պատվին նախատեսված է ընթրիք:
Սերժ Սարգսյանի այցով Երևանն ու Վենետիկը կհռչակվեն քույր քաղաքներ` վերադարձնելով հին և կարևոր լուսամուտը Արևելքի և Արևմուտքի միջև:
Տիգրան Կարապետյան
14 դեկտեմբեր 2011թ, Վենետիկ
