Հայաստանի պետական պարտքը 2011 թ.-ին հասել է 1 տրլն 598 մլրդ դրամի, որից արտաքին պարտքը՝ 1 տրլն 389 մլրդ դրամ, ներքին պարտքը՝ մոտ 209 մլրդ դրամ: 2012-2014 թթ. պետական միջնաժամկետ ծախսերի ծրագրի համաձայն՝ արտաքին պետական պարտքը մինչև 2014 թ.-ը անշեղորեն աճելու է: Այսպես՝ 2011-ին արտաքին պետական պարտքը կկազմի 3.8 մլրդ դոլար, 2012-ին՝ 4.04 մլրդ դոլար, 2013-ին՝ 4.2 մլրդ դոլար, 2014-ին՝ 4.3 մլրդ դոլար:
Միաժամանակ, նույն ծրագրի համաձայն, արտաքին պարտք/ՀՆԱ հարաբերակցությունը նվազելու է՝ 2011-ի 35.9%-ից 2012-ին դառնալով 35.4%, 2013-ին՝ 33.6%, 2014-ին՝ 32.0%, իսկ արտահանման նկատմամբ կկազմի 2011-ին՝ 173.8%, 2012-ին՝ 166.7%, 2013-ին՝156.1%, 2014-ին՝149.1%:
Ի դեպ, ՀՀ արտաքին պետական պարտքի կանխատեսումները կատարվել են այն ենթադրությամբ, որ ՀՀ կենտրոնական բանկը նոր վարկեր չի ներգրավի:
