Բելգիացի պաշտոնյաներից մեկն ասել է, որ այսօր Բելգիայի Լյեժ քաղաքում տեղի ունեցած հարձակումը, որը դարձել է երկու զոհերի և 64 վիրավորների պատճառ, ահաբեկչության հետ ոչ մի կապ չունի: Այս մասին հաղորդում է Associated Press-ը:
Ներքին գործերի նախարար Փիթեր Մերթենսն այսօր ասել է, որ միայն մեկ հարձակվող է եղել, և այդ մարդը մահացել է հարձակման ժամանակ: Որոշ լրատվամիջոցներ հայտնում են, որ պատահարի հետևանքով զոհվածները երեքն են։
Հիշեցնենք, որ այսօր Բելգիայի Լյեժ քաղաքի կենտրոնական հատվածում` ավտոբուսի կանգառում հարձակում է տեղի ունեցել, որի պատճառով, ըստ նախնական տվյալների, մահացել է 2 մարդ: Հստակ չէ նաև, թե քանի հոգի են կազմակերպել հարձակումը, բայց գերթե բոլոր լրատվամիջոցները միբերան նշում են, որ հարձակվողներից մեկը ինքնասպան է եղել:
