Ռուսական ВЗГЛЯД թերթի փոխանցմամբ, Իրանի ԱԳՆ-ի պաշտոնական ներկայացուցիչ Ռամին Մեհմանփարասթն այսօր Թեհրանում կայացած ճեպազրույցի ժամանակ Արևմուտքին խորհուրդ է տվել չմիջամտել Ռուսաստանի գործերին՝ նկատի ունենալով Պետդումայի ընտրություններից հետո տեղի ունեցող զարգացումները.
«Իրանը հարգում է Պետդումայի ընտրություններում ռուս ժողովրդի ընտրությունը ու ԱՄՆ-ին և արևմտյան մյուս երկրներին կոչ է անում զերծ մնալ ինքնիշխան երկիր Ռուսաստանի ներքին գործերին միջամտելուց։
Պետդումայի ընտրությունների ժամանակ ռուսական ընտրազանգվածը բարձր ակտիվություն է ցուցաբերել։ Մենք հարգում ենք ռուս ժողովրդի ընտրությունը։ Այն, որ Արևմուտքն իրեն իրավունք է վերապահել միջամտել այլ երկրների ներքին գործերին անթույլատրելի և անընդունելի է։
Դրա փոխարեն՝ ավելի լավ կլիներ, եթե ԱՄՆ-ը և արևմտյան մյուս երկրները ուղիներ փնտրեին սեփական ներքին խնդիրները լուծելու համար և ոչ թե միջամտեին այլ երկրների գործերին»։