«Ազատություն» ռադիոկայանի ռուսական ծառայության փոխանցմամբ, Իրանի խորհրդարանն այսօր ընդունել է Սիրիայի հետ ազատ առևտրի վերաբերյալ օրինագիծը։ Իրանցի պատգամավորները խորհրդարանում ընդգծել են, որ այդ փաստաթուղթը սիրիական կառավարության թշնամիների համար պետք է հստակ նշան հանդիսանա։
Նշվում է, որ Իրանի ու Սիրիայի միջև տարեկան ապրանքաշրջանառությունը կազմում է մոտ 400 միլիոն դոլար, և նոր օրենքի ընդունումը այդ ցուցանիշի ավելացման նպատակ է հետապնդում։
Հիշեցնենք, որ Սիրիայի խոշորագույն առևտրային գործընկեր Թուրքիան ներկայումս տնտեսական կոշտ պատժամիջոցներ է սահմանել Սիրիայի նկատմամբ, և Իրանի խորհրդարանի այս քայլը կարելի է որակել նաև որպես Թուրքիային (և ոչ միայն) ուղղված ուղերձ։
