Ամերիկյան The New-York Times օրաթերթի փոխանցմամբ, ՆԱՏՕ-ն Աֆղանստանում պատերազմին վերջ դնելու համար բանակցություններ սկսելու կոչ է արել Թալիբան շարժման ղեկավարությանը: Սակայն Իտալիան, որը ՆԱՏՕ-ի անդամ է, հերքել է այդ լուրը:
Թերթի տեղեկություններով, Քաբուլում արդեն տեղի է ունեցել բանակցությունների առաջին փուլը: Դրանց մասնակցել են Աֆղանստանի նախագահ Համիդ Քարզայը, Թալիբների Շուրայի (խորհուրդ) անդամները, որոնք թալիբներին ղեկավարում են պատերազմի ժամանակ:
Բացի այդ, աֆղանական ղեկավարության ներկայացուցիչները բանակցություններ են վարել «Հագգանի» պարտիզանական ցանցի հետ, որոնք հիմնական դիմադրությունն են ցույց տալիս, եւ Փեշավարների խորհրդի հետ, որի զինյալ ստորաբաժումները գտնվում են Աֆղանստանի արեւելքում:
Ընդ որում, թալիբների ներկայացուցիչները Պակիստանից են եկել բանակցությունների եւ ունեցել են ՆԱՏՕ-ի երաշխիքները, որ նրանց չեն ձերբակալի կամ գնդակոծի:
Սակայն, ինչպես նշում է թերթը, խռովարարները կարծում են, որ իրենք հաղթանակած կողմ են, եւ որեւէ հաշտություն կամ պատերազմի դադարեցում չեն ուզում:
