Բրիտանական The Guardian թերթի փոխանցմամբ, Թուրքիան ապօրինի ձերբակալությունների ու քաղաքական բռնությունների «առաջադեմ» երկիր է.
«Գոյություն ունի մեծացող անդունդ նրանց միջև, ովքեր ժամանակակից Թուրքիան ներկայացնում են որպես ժողովրդավար երկիր, և նրանց միջև, ովքեր Թուրքիա ասելով՝ հասկանում են կամայական ձերբակալություններ, քաղաքական բռնություններ և ռազմական ավերումներ։
Վերջին երկու տարիներին թուրքական պետությունը բանտերը լցրել է հազարավոր քաղաքացիներով՝ նրանց մեղադրելով արմատական կամ աահաբեկչական օպերացիաներին մասնակցելու մեջ։
Մյուս կողմից էլ մի շարք «առաջադեմ» մեկնաբաններ պնդում են, թե Թուրքիան, մյուս երկրների, ծայրահեղ դեպքում Մերձավոր Արևելքի երկրների համեմատությամբ, ժողովրդավարացման հաջող օրինակ է։ Նրանք ուշադրություն են հրավիրում, որ Թուրքիան գլոբալ անկման պայմաններում ակտիվորեն զարգացնում է իր տնտեսությունը, իրականացնում չափավոր իսլամական քաղաքականություն, օժտված է աշխարհիկ պառլամենտարիզմով, ինչպես նաև իրականացնում է անկախ արտաքին քաղաքականություն՝ քննադատելով Իսրայելին և աջակցելով «արաբական գարնան» երկրների ժողովրդավար ուժերին»։
