ՀՀ ոստիկանապետ Վլադիմիր Գասպարյանի վերջին մի քանի նշանակումները ոստիկանական համակարգում տարակուսանք են առաջացրել: Մեր ունեցած տեղեկություններով` ոստիկանությունում բարձր պաշտոնների են նշանակվել մարդիկ, որոնցից ոմանք ունեն քրեական անցյալ, ոմանք էլ` արատավորված «ներկա»:
Մեր ունեցած հավաստի տեղեկություններով` վերջերս քրեական աշխարհի հետ սերտ հարաբերություններ ունեցող իր ենթակաների միջոցով ոստիկանապետը կապի մեջ է մտել Հայաստանի քրեական հեղինակությունների և «օրենքով գողերի» հետ և նրանց ազատ գործելու երաշխիքներ է տվել` պայմանով, որ նրանք առաջիկա խորհրդարանական ընտրությունների ողջ նախընտրական շրջանում իրենց ներուժը ծառայեցնելու են ի նպաստ Հայաստանի Հանրապետական կուսակցության:
Հանցագործ աշխարհի ներկայացուցիչները, որոնք ոչ պակաս մտերիմ շփումների մեջ են ԲՀԿ նախագահ Գագիկ Ծառուկյանի հետ, այժմ փորձում են ԲՀԿ-ի ղեկավարին հասկացնել իրավիճակի նրբությունը եւ խնդրել, որ Ծառուկյանը` իրենցից ԱԺ ընտրությունների նախընտրական շրջանում օգնություն չակնկալի:
Լուսանկարը` Գագիկ Շամշյանի
