Կալիֆոռնիա նահանգի ոստիկանները ձերբակալել է «Գրավեք Սան Ֆրանցիսկոն» շարժման մոտ 55 մասնակցի:
Ինչպես հայտնում է Assosiated Press գործակալությունը, նախքան վրանները հանելը՝ ակցիայի մասնակիցներին նախազգուշացրել են վրանային ճամբարը լքելու անհրաժեշտության մասին: Նրանք, ովքեր չեն լսել ոստիկանների ցուցումները, ձերբակալվել են: Տուժածների մասին տեղեկություններ չկան:
Դեկտեմբերի 7-ին ոստիկանությունը Սան Ֆրանցիսկոյում հեռացրել էր մեկ այլ վրանային ճամբար: Գործողության արդյունքում ապամոնտաժվել էին ավելի քան 100 անօրինական վրաններ: Մոտ 50 մարդ ձերբակալվել էր:
Հիշեցնենք, որ «Գրավեք Ուոլ Սթրիթ» շարժումը սկսվել է Նյու Յորքում սեպտեմբերի 17-ին: Ակցիայի մասնակիցները բողոքում էին ֆինանսական ինստիտուտների, սոցիալական անհավասարությունների դեմ: Ակտիվիստները համարում են, որ իրենք գործում են ԱՄՆ բնակչության մեծամասնության անունից, այստեղից էլ գալիս է շարժման մեկ այլ անունը` «99%»: Այն հետագայում տարածվել է ԱՄՆ տարբեր քաղաքներում, Կանադայում և եվրոպական մի շարք երկրներում:
