Ոստիկանությունից «Առաջին լրատվական»-ին հաղորդում են, որ դեկտեմբերի 9-ին` ժամը 09.45-ին, ոստիկանության ԿՀԴՊ գլխավոր վարչության ծառայողները Երևանի Ա. Ավետիսյան փողոցի շենքերից մեկի մոտից բերման են ենթարկել ՌԴ քաղաքացի, 31-ամյա Արտավազդ Բարսեղյանին:
Վերջինս Չեխիայի Հանրապետության Պրահա քաղաքի 7-րդ դատարանի կողմից հետախուզվում էր սպանության և ապօրինի զենք-զինամթերք կրելու մեղադրանքով:
Խափանման միջոց է ընտրվել կալանքը:
Ա. Բարսեղյանը ձերբակալվել և տեղափոխվել է ոստիկանության Երևան քաղաքի վարչության ՁՊՎ:
Հետախուզվողին հայտնաբերելու մասին տեղեկացվել է ՀՀ գլխավոր դատախազություն և հետախուզումը նախաձեռնողին:
