Associated Press-ի հաղորդմամբ, ըստ Մեքսիկայի ռազմածովային նավատորմի հայտնած տեղեկությունների, հատուկ ծառայություններին միացել է առաջին կին զինվորականը:
Կինը, ում անձը չի բացահայտվում, 12 տղամարդկանց հետ ավարտել է հատուկ ծառայությունների նախապատրաստական դասընթացները:
Ռազմածովային նավատորմը սահմանափակվել է այս տեղեկատվությամբ՝ ուրբաթ օրվա իր հայտարարության մեջ չնշելով՝ արդյոք նախկինում արգելվա՞ծ էր միանալ հատուկ ծառայություններին, թե՞ ուղղակի ոչ մի կին չի դիմել:
Ռազմածովային նավատորմի հատուկ ծառայությունները շատ կարևոր դեր ունեն Մեքսիկայի կառավարության համար թմրամիջոցների առևտրով զբաղվողներին հայտնաբերելու համար, բայց դեռևս հայտնի չէ, թե ինչ պարտականություններ կունենա այդ կինը:
Նշենք, որ 2007 թվականից սկսած Մեքսիկայի բանակը թույլատրում է, որ պատերազմի ժամանակ կին զինվորները, բացի բժիշկներ և բուժքույրեր աշխատելուց, նաև որպես ինժեներներ և օդաչուներ աշխատեն: