Los Angeles Times-ը գրում է, որ, ըստ որոշ վերլուծաբանների, Apple ընկերությունը պատրաստվում է 2012 թվականի փետրվարին թողարկել իր նոր iPad 3-ը:
Այս սարքը նման կլինի iPad 2-ին, բայց այն կունենա ցանցաթաղանթային էկրան, որը կա նաև iPhone 4-ում և iPhone 4S–ում:
Փորձագետ Ռիչարդ Գարդների խոսքերով՝ մի քանի աղբյուրներից իրեն հայտնել են, որ ընկերությունը պատրաստվում է նոր սերնդի սարքը գնորդների համար հասանելի դարձնել ոչ ուշ, քան 2012 թվականի փետրվարին։ Այն իր դեբյուտով առաջ կանցնի ընկերության նախորդ սերնդի պլանշետներից:
Առաջին iPad-ը շուկայում հայտնվել էր 2010 թվականի ապրիլին, իսկ լուրերը նրա մասին տարածվել էին շուկայում հայտնվելուց մեկ ամիս առաջ: Երկրորդ iPad-ի մասին ևս խոսվել էր նախօրոք, և այն շուկայում հայտնվել էր 2011 թվականի մարտին:
