Ազգային վիճակագրական ծառայությունն ամփոփել է ՀՀ արդարադատության նախարարության քաղաքացիական կացության ակտերի գրանցման գործակալության (ՔԿԱԳ) տարածքային բաժինների կողմից գրանցված ամուսնությունների և ամուսնալուծությունների մասին տեղեկությունները, որոնք ստացվում են ամուսնության և ամուսնալուծության ակտերի հիման վրա:
Ըստ այդմ՝ 2010 թ., 2009 թ. համեմատ, գրանցված ամուսնությունների քանակը նվազել է, իսկ ամուսնալուծությունների քանակն ավելացել: Այսպես, 2009-ին գրանցվել է 18,773 ամուսնություն, իսկ 2010-ին՝ 17,984: 2009-ին գրանցվել է 2,829 ամուսնալուծություն, իսկ 2010-ին՝ 2,997:
