Եվրամիության առաջնորդներն ուրբաթ օրն ավարտված Բրյուսելի երկօրյա գագաթնաժողովում որոշել են մինչև 2012 թ.մարտը հետաձգել Բուլղարիայի և Ռումինիայի՝ Շենգենյան գոտուն անդամակցելու հարցը: Այս մասին հաղորդում է РИА Новости-ն:
«Եվրոպական խորհուրդը կոչ է անում ԵՄ-ին ինչքան հնարավոր է շուտ որոշում ընդունել: Անհրաժեշտության դեպքում ԵԽ–ն կվերադառնա այս հարցին 2012 թ. մարտին»,- ասվում է հայտարարության մեջ: Նշվում է, որ երկու երկրներն էլ կատարել են իրենց առջև դրված պահանջները:
Բուլղարիայի և Ռումինիայի անդամակցության դեմ էին արտահայտվել Հոլանդիան, Գերմանիան, Ֆրանսիան և Ֆինլանդիան, սակայն այժմ նրանք ևս վերացրել են իրենց պահանջները՝ կապված թեկնածու երկրների հետ:
Եվրախորհրդարանը մինչ այդ կոչ էր արել ԵԽ–ին ընդունել Ռումինիայի և Բուլղարիայի անդամակցությունը Շենգենյան համաձայնագրին, քանի որ այդ երկրները կատարում են իրենց առջև դրված պահանջները: