ԱՄՆ Վիրջինիա նահանգում Պոլիտեխնիկական համալսարանի տարածում ոստիկանության աշխատակիցների և զինված տղամարդու միջև տեղի ունեցած փոխհրաձգության հետևանքով զոհվել է 2 մարդ: Ինչպես հաղորդում է Reuters գործակալությունը, զոհվածներից մեկը ոստիկանության աշխատակից է, իսկ մյուսը՝ պատահական անցորդ:
Ոստիկանության աշխատակիցները համալսարանի տարածքում ավտոմեքենա են կանգնեցրել և վարորդից փաստաթղթեր պահանջել: Սակայն վերջինս կրակել է ոստիկանի վրա և փախել դեպի կայանատեղի: Ոստիկանը տեղում մահացել է: Ավելի ուշ համալսարանական կայանատեղիում հայտնաբերվել են սպանված տղամարդու դիակ, որին սկզբում համարել են փոխհրաձգության զոհ, սակայն ոստիկանությունը կարծում է, որ, ամենայն հավանականությամբ, հենց նա է հանցագործը:
