iTunes Store համացանցային խանութը դեմտեմբերի 8-ին հրապարակել է 2011 թվականին ամենաշատ վաճառված ժամանցի արտադրանքի ցանկը:
Ինչպես հայտնում է Reuters գործակալությունը, 23-ամյա բրիտանացի երգչուհի Ադելը ճանաչվել է տարվա արտիստ, իսկ նրա Rolling in the Deep սինգլը՝ առավել շատ ներբեռնված երգ: Այն ավելի մեծ հաջողություն ուներ iTunes Store խանութի գնորդների շրջանում, քան Քեթի Փերրիի, Բրունո Մարսի և CeeLo Green-ի սինգլները, որոնք նույնպես հավակնում էին ձեռք բերել ամենաշատ ներբեռնված երգերի կարգավիճակ:
Ադելի «21» աբլոմը նույնպես ներբեռնումների թվով առաջ է անցել Լիլ Ուեյնի, Կայնե Ուեսթի, Ջեյ-Զիի, Coldplay և Mumford&Sons խմբերի ալբոմներից, սակայն տարվա ալբոմ է ճանաչվել Foo Fighters խմբի Wasting Light յոթերորդ ալբոմը:
Նիկի Մինաժը հաղթել է «տարվա հայտնություն» անվանակարգում, իսկ տարվա երգ է ճանաչվել Foster The People խմբի Pumped Up Kicks երգը:
Ինչ վերաբերում է ֆիլմերին, ապա 2011 թվականին առավել շատ ներբեռնված ֆիլմը Դևիդ Ֆինչերի «Սոցիալական ցանց» ֆիլմն էր: Հեռուսատատեսային սերիալների սիրահարները հաճախ գնում էին BBC ընկերության «Doctor Who» սերիալը:
Վերջապես, iPhone սմարթֆոնների և iPad պլանշետների համար ամենաշատ վաճառված հավելվածը Angry Birds խաղն էր:
