Հետևելով Մեծ Բրիտանիայի, ԱՄՆ-ի և Եվրոպական Միության տարբեր երկրների օրինակին` Ճապոնիան հայտնել է, որ Իրանի նկատմամբ նոր ֆինանսական պատժամիջոցներ կսահմանի Թեհրանի միջուկային ծրագրի պատճառով:
The Wall Street Journal-ը գրում է, որ էներգակիրների կարիք ունեցող Ճապոնիան, սակայն, հրաժարվել է դադարեցնել Իրանից նավթի ներմուծումը:
Ըստ նոր պատժամիջոցների, որոնք հաստատվել են վարչապետ Յոշիհիկո Նոդայի վարչակազմի կողմից այսօր առավոտյան, Ճապոնիան հայտնել է, որ կսառեցնի լրացուցիչ 106 կազմակերպությունների և 3 բանկերի հետ կապերը` մեծացնելով այն կազմակերպությունների թիվը, որոնք ենթադրվում է՝ կապ ունեն Իրանի միջուկային ծրագրի հետ, և հասցնելով այն 350-ի:
Արտաքին գործերի նախարարության խոսնակ Մասարու Սատոն ասել է, որ այս վերջին որոշումը վերանայվում էր այն բանից հետո, երբ Ատոմային էներգիայի միջազգային գործակալությունը նոյեմբերի սկզբին հայտնել էր, թե Իրանը միջուկային ռումբ է պատրաստում, որն ուղղված է լինելու «միջազգային հասարակության դեմ»:
Ճապոնիան ոչինչ չի անի Իրանից նավթի ներմուծումը դադարեցնելու համար, բայց կարող է խստացնել ճնշումը Թեհրանի վրա:
