ՆԱՏՕ-ն չի պատրաստվում միջամտել Սիրիայում տիրող իրադրությանը: Այս մասին ՆԱՏՕ-ի անդամ երկրների նախարարների հանդիպումից հետո հայտարարել է Դաշինքի գլխավոր քարտուղար Անդերս Ֆոգ Ռասմուսենը:
«Ես ասել եմ և կրկնում եմ, որ ՆԱՏՕ-ն չի պատրաստվում միջամտել Սիրիայի դրությանը»,- հայտարարել է Ռասմուսենը, որի խոսքերը մեջբերում է ИТАР-ТАСС-ը:
Ինչ վերաբերում է տարածաշրջանի մյուս երկրներին, ապա ՆԱՏՕ-ն պատրաստ է աջակցել ավտորիտար վարչակարգերից ժողովրդավարությանն անցում կատարելու գործընթացին, եթե համապատասխան խնդրանք ստանա:
«ՆԱՏՕ-ն կարող է աջակցություն ցուցաբերել այնպիսի ոլորտներում, որոնցում բացառիկ փորձ ունի, մասնավորապես ռազմական բարեփոխումների անցկացման ոլորտում»,- ասել է նա: