«Առաջին լրատվական»-ի աղբյուրների փոխանցմամբ, իր առաքելությունն ավարտած ԵԱՀԿ երևանյան գրասենյակի ռուսաստանցի ղեկավար Վիկտոր Կապինոսին պետք է փոխարինի այլ դիվանագետ, որը պետք է ընտրվի յոթ հավանական թեկնածուներից, իսկ այդ յոթից մեկը դարձյալ ռուսաստանցի դիվանագետ է:
Մեր աղբյուրները հայտնում են, որ Հայաստանի ԱԳ նախարար Էդվարդ Նալբանդյանը պնդում է, որ ԵԱՀԿ երևանյան գրասենյակը ղեկավարի դարձյալ ռուսաստանցի դիվանագետ:
Ուշագրավն այն է, սակայն, որ այդ յոթ թեկնածուներից առավել ոչ կոմպետենտը հենց ռուսաստանցի դիվանագետն է: Նա տարածաշրջանի տեղեկացվածությամբ զգալիորեն զիջում է իր մյուս գործընկերներին:
Տեղեկացնենք, որ ԵԱՀԿ երևանյան գրասենյակի ղեկավարի վերաբերյալ որոշումը պետք է ընդունվեր Վիլնյուսում`ԵԱՀԿ Արտգործնախարարների խորհրդի 18-րդ նստաշրջանի շրջանակներում: