Աշխարհի խոշորագույն Facebook սոցիալական ցանցը հրապարակել է 2011 թ. ամենաքննարկված թեմաների վարկանիշային աղյուսակը: Այս մասին հաղորդվում է սոցցանցի բլոգում:
Այսպես՝ տարվա ամենաքննարկված թեման դարձել է Apple ընկերության հիմնադիր Սթիվ Ջոբսի մահը: Ցուցակում են հայտնվել նաև Ճապոնիայի երկրաշարժը և Մոսկվայի «Դոմոդեդովո» օդանավակայանում տարվա սկզբին տեղի ունեցած ահաբեկչությունը:
Սոցցանցի օգտատերտերն անտարբեր չեն եղել նաև քաղաքական գործընթացների նկատմամբ: Այսպես՝ ամենաքննարկվող թեմաներից են եղել Ռուսաստանի վարչապետ Վլադիմիր Պուտինը և նախագահ Դմիտրի Մեդվեդևը, ինչպես նաև նրանց օգտին քվեարկելու կոչերը:
Facebook-ի ակտիվիստները 2011 թ. քննարկել են նաև Ուսամա բեն Լադենի չեզոքացումը, Էմի Ուայանհաուսի մահը, երկամյա դստեր սպանության մեջ մեղադրվող Քեյսի Էնտոնիի գործը, ինչպես նաև Call of Duty: Modern Warfare 3 խաղը և այլ թեմաներ:
Վարկանիշային աղյուսակի հեղինակները նշում են, որ 2011 թ. մեծ մասսայականություն են ունեցել lms (like my status-հավանիր իմ կարգավիճակը) и tbh (to be honest-անկեղծ ասած) հապավումները, tbh i completely agree with you (անկեղծ ասած՝ ես միանգամայն համաձայն եմ քեզ հետ) արտահայտությունը: Բացի այդ, սոցցանցի օգտատերերի կողմից մեծ ուշադրության է արժանացել փլանքինգը, որով զբաղվելը հատկապես տարածված է Ավստրալիայում:
Facebook-ը նաև կազմել է այն հայտնի մարդկանց ցուցակը, որոնք 2011 թ. ընթացքում մեծ հեղինակություն են ունեցել: Դերասանների շրջանում օգտատերերի համար առավել մեծ հետաքրքրություն են ներկայացնում Մեգան Ֆոքսը և Վին Դիզելը, իսկ երաժիշտների շրջանում՝ Ռիհաննան և Բոբ Մարլեյը:
