ՌԴ վարչապետ Վլադիմիր Պուտինը հայտարարել է, որ Единая Россия կուսակցության կորուստներն անխուսափելի են: Եվ առաջին հերթին դա կապված է այն հանգամաքի հետ, որ կուսակցությունն իր վրա է կրում մի քանի տարի երկրում տիրող դրության ամբողջ պատասխանատվությունը:
«Այո, կորուստներ կան, և դրանք անխուափելի են: Դրանք անխուսափելի են ցանկացած կուսակցության համար, հատկապես նրանց, ովքեր իրենց վրա են կրում արդեն ոչ մեկ տարի երկրում տիրող իրավիճակի պատասխանատվության բեռը»,- ասել է նա:
Սակայն, ինչպես հաղորդում է Интерфакс գործակալությունը, կառավարության ղեկավարը նշել է, որ Единая Россия-ն կայուն մեծամասնություն կապահովի Պետդումայում:
«Այսօրվա պայմաններում արդյունքը լավ է: Մենք ձեզ հետ տեսնում ենք և գիտենք, թե ինչ է տեղի ունենում. բոլորովին վերջերս շատ ավելի կայուն տնտեսական և սոցիալական պայմաններ ունեցող երկրներում միլիոնավոր մարդիկ փողոց են դուրս գալիս»,- նշել է Պուտինը:
ՌԴ վարչապետը հիշեցրել է, որ ճգնաժամի պայմաններում կենսաթոշակները և սոցիալական նպաստներն ավելացել են, իսկ գործազրկության մակարդակը հասել է նվազագույնի:
