Facebook-ը պատրաստվում է բաց բաժնետիրական ընկերություն դառնալ և այդ ընթացքում կարող է մի քանի ռեկորդներ սահմանել: Առաջին քայլը հազարավոր նոր աշխատատեղերի բացումն է:
Facebook կայքից օգտվում է գրեթե 800 միլիոն մարդ, և այն հասանելի է 70 լեզուներով: Ընկերության բաց բաժնետիրական ընկերություն դառնալու նոր քայլը երկու անգամ կավելացնի աշխատողների թիվը` կրկնապատկելով աշխատատեղերը:
TodaysTHV.com-ը հայտնում է, որ աշխատատեղերի կենտրոնը կլինի Նյու Յորքում, որտեղ, ըստ ընկերության հաղորդման, Facebook-ը նոր գրասենյակ է բացում: Ընկերությունը հայտնել է, որ 2012 թվականին կստեղծի ինժեներական տարածք, որը կդառնա Արևմտյան ափից դուրս իր առաջին ծրագրավորման բազան:
Facebook-ի գլխավոր օպերացիոն տնօրեն Շերիլ Սենդբերգն ասել է, որ ընդհանուր առմամբ կստեղծվեն հազարավոր նոր աշխատատեղեր:
