Իրանական Mehr News լրատվական գործակալության փոխանցմամբ՝ Իրանի արտգործնախարար Ալի Աքբար Սալեհին Բոննում Աֆղանստանին նվիրված միջազգային նստաշրջանում հայտարարել է, որ Իրանը ողջունում է Աֆղանստանից օտար կոնտինգենտի դուրսբերումը և երկրի անվտանգության հարցը տեղի զինված ուժերին հանձնելը։
Ընդգծելով, որ Աֆղանստանն Իրանի բարեկամ ու հարևան երկիրն է՝ Սալեհին հայտարարել է, որ չափազանց կարևոր է խաղաղության ապահովումն այդ երկրում. «Իրանն ակտիվորեն մասնակցում է Աֆղանստանին նվիրված բոլոր կոնֆերանսներին։ Իրանը պատրաստ է աջակցել այդ երկրի վերականգնմանը։ Իրանը ցավում է վերջին 10 տարիներին անվտանգության պլանում Աֆղանստանում տիրող իրավիճակի համար»։
