Այսօր ԱԺ նիստում խորհրդարանի նախագահի պաշտոնում առաջադրված «Ժառանգություն» խմբակցության պատգամավոր Լարիսա Ալավերդյանն իր ելույթում նշեց, որ արտերկրում դժվար է բացատրել, թե ինչո՞ւ ԱԺ նախկին նախագահ Հովիկ Աբրահամյանը հրաժարական տվեց խորհրդարանի ընտրություններից 6 ամիս առաջ ու գնաց ՀՀԿ շտաբի պետ լինելու. «Ես դա 3 լեզուներով փորձել եմ բացատրել, չի հաջողվել»:
«Ժառանգությունը ուզում է փոխել այդ մշակույթը: Ձևի համար չէ, որ առաջադրել է Ձեր խոնարհ ծառայի թեկնածությունը»,- նկատեց ԱԺ պաշտոնի թեկնածուն:
Ըստ նրա, բոլոր բացասական երևույթները, որ տեղի են ունենում ԱԺ-ում, ընկնում են նաև Ժառանգության» ուսերի վրա: Լ.Ալավերդյանի խոսքով, Աժ-ն պետք է պարտադրի, որ հարգվի կառավարության կողմից, և ընդդիմության դերի վերաիմատավորում է սպասվում, քանի որ ընդդիմադիր լինելը ոչ մի այն պարտավորություն է:
Լ.Ալավերդյանն առաջարկեց էթիկայի հանձնաժողով ստեղծել, որ միջանձնյա հարաբերությունների զոհ լինելը վերանա. «Էթիկայի հանձնաժողովը նոր մշակույթ կձևավորի: Իշխանությունն ասում է`մեզ անհրաժեշտ է կառուցողական ընդդիմություն: Շատ կներեք, բայց մեզ պետք չի՞ կառուցողական իշխանություն, և առաջին հերթին՝ ժողովրդին: Ես միշտ ասել եմ երկիր ունեմ՝ աշխարհը չունի, երանելի երկիր է, բայց երանելի պետություն չի: Եկե՛ք դարձնենք երանելի պետություն»:
Նա շեց, որ ԱԺ-ն խորհուրդ չունի մտնել ԲՈՒՀ-ական համակարագ:
