ԱԺ քառօրյա նիստի ժամանակ այսօր «Ժառանգություն» խմբակցության պատգամավոր Անահիտ Բախշյանը հարցադրում արեց ԱԺ նախագահի պաշտոնում առաջադրված Սամվել Նիկոյանին, թե եթե Դուք լինեք ԱԺ նախագահ, ապա կկրկնվի՞ արդյոք նախորդ նիստի ժամանակ տեղի ունեցածը (խմբ. ԱԺ հանրապետական պատգամավոր Առաքել Մովսիսյանի կողմից «Ժառանգություն» խմբակցության պատգամավոր Արմեն Մարտիրոսյանի հասցեին հնչեցված վիրավորանքները), և գրանցված ու դահլիճում իրականում ներկա պատգամավորների քանակը Ձեր օրոք երբևէ իրար համապատսխանելո՞ւ են, թե ոչ:
Ս.Նիկոյանը պատասխանեց, որ վերջին տարիներին ԱԺ-ում լուծված խնդիրներից մեկը համարում է քվորումի ապահովումը. «Աժ-ում նման խնդիր չունենք, կարողանում ենք քվորում ապահովել և բնականոն աշխատանքը իրականացնել»: Միաժամանակ նա չբացառեց, որ ակնհայտորեն կարող է դրանում ճշմարտություն լինել:
Պատգամավորների միջև վիճաբանության վերաբերյալ Ս.Նիկոյանը նշեց, որ մի պատգամավորը կարող է իր կարծիքը հայտնել, իսկ դահլիճում եղած պատգամավորը կարող է նրան չլսել, բայց և չպետք է խանգարի:
