Ազգային ժողովի ՀՀԿ-ական պատգամավոր Գագիկ Մինասյանը «Առաջին լրատվական»-ի հետ զրույցում կարծիք հայտնեց, որ ամանորյա թանկացումները պետք է լինեն խելամտության սահմաններում:
«Եթե գները թանկանում են, որովհետև թանկանում են միջազգային շուկաների գները, դա պետք է բնական երևույթ դիտարկել: Իսկ եթե մրցակցության խախտման դրսևորումներ կան, ապա Տնտեսական մրցակցության պաշտպանության պետական հաձնաժողովը պետք է իր գործառույթներն ավելի ակտիվորեն իրականացնի: Հատկապես, որ օրենքով համապատասխան փոփոխություններ են արվել և ավելի լայն հնարավորություններ են տրվել նրան»,- ասաց Գ. Մինասյանը:
Նա նկատեց, որ, իհարկե, ՏՄՊՊՀ-ն գներ կարգավորող չի, և պետք է միայն հետևի, որ մրցակցությունը շուկայում լինի բարեխիղճ:
