Հաագայի մարդու իրավունքների դատարանը որոշում է կայացրել կտրուկ կրճատել բոսնիացի սերբերի նախկին հրամանատար, գեներալ Ռադկո Մլադիչի դեմ ուղղված մեղադրանքները: Այս մասին հաղորդում է MIGnews.com կայքը:
Սկզբում նրա դեմ ուղղված մեղադրանքները 196 էին, իսկ այժմ դրանք կրճատվել են մինչև 106–ը:
Մեղադրանքների կրճատման պատճառը Մլադիչի դեմ հարուցված գործի ընթացքն արագացնելն է: Հիշեցնենք, որ վերջին ժամանակներում Մլադիչի առողջական վիճակը շատ է վատացել:
Ռադկո Մլադիչը պետք է դատարանի առջև կանգնի դեկտեմբերի 6-ին: Նախկին դատալսմանը, որը տեղի էր ունեցել նոյեմբերի 20-ին, 68–ամյա գեներալը չէր ներկայացել, քանի որ շատ հիվանդ է:
Հարկ է նշել, որ խոսքը նախնական դատալսումների մասին է, և դատի սկիզբը դեռ որոշված չէ:
