Թուրքական Milliyet թերթը, վկայակոչելով սիրիական Sana պետական լրատվական գործակալությանը, հայտնում է, որ Սիրիայի կառավարությունը կասեցրել է Թուրքիայի հետ ազատ առևտրի մասին պայմանագրի շրջանակներում տարվող աշխատանքները։ Սա հանդիսանում է Սիրիայի պատասխան քայլը՝ իր նկատմամբ թուրքական կողմի սահմանած վերջին պատժամիջոցներին։
Հիշեցնենք, որ նոյեմբերի 30-ին Թուրքիան 9 կետից բաղկացած պատժամիջոցներ էր սահմանել Սիրիայի նկատմամբ։ Խոսքը Սիրիայի հետ ամեն տիպի վարկային հարաբերությունների դադարեցման, թուրքական բանկերում սիրիական կառավարական հաշիվների սառեցման, Սիրիայի Կենտրոնական բանկի հետ համագործակցության դադարեցման, Սիրիայի նախագահի հետ ռազմավարական համագործակցության սառեցման, Սիրիային ամեն տիպի զենքի և ռազմական նշանակության ապրանքների մատակարարման արգելման մասին է։
