«Չենք լռելու» երիտասարդական նախաձեռնությունից «Առաջին լրատվական»-ին տեղեկացնում են, որ մամուլում և համացանցում շրջանառվող լուրերն այն մասին, թե սփյուռքահայ հայտնի գործարար Լևոն Հայրապետյանը Գանձասարի պատի սալիկապատման հետ կապված աղմուկից հետո իր առաջին հարցազրույցն է տվել իրենց, համապատասխանում են իրականությանը:
Նախաձեռնությունից հայտնում են, որ ճիշտ է նաև մամուլում շրջանառվող այն տեսակետը, որ Շառլ Ազնավուրի սկանդալային հարցազրույցից հետո Լ. Հայրապետյանը Սփյուռքում և Հայաստանում ճանաչված հայերից երկրորդն է, ով կոշտ քննադատության է ենթարկել Հայաստանի իշխանությունների վարած ներքին քաղաքականությունը` համարելով ահռելի չափերի հասնող կոռուպցիան և ձևավորված օլիգարխիկ իշխանական համակարգը մեր երկրի գլխավոր չարիք:
Լ. Հայրապետյանն այժմ Ֆրանսիայում է, և նրա հետ հարցազրույցն անցկացվել է հեռախոսով: Հարցազրույցի ձայնագրությունը վաղը` նոյեմբերի 23-ին` ժամը 14:00-ին կտեղադրվի «Չենք լռելու» նախաձեռնության Facebook-յան էջում: