Վերջին շրջանում ԱՄՆ-ի կենտրոնական հետախուզական վարչությունը (ԿՎՀ) մեկը մյուսի ետևից թույլ էր տալիս ձախողումներ: Չնայած իրենց պրոֆեսիոնալիզմին, գործակալության աշխատակիցներն աշխատանքի կազմակերպման ընթացքում թույլ են տվել մի սխալ, որն էլ նրանց համար դարձավ ճակատագրական:
Այս մասին այսօր հայտնել է The Times-ը: Ըստ աղբյուրի՝ ԿՎՀ-ի գործակալները իրենց հանդիպումները նշանակում էին «Պիցցա Հատ» սրճարանում: Ժամադրվելու այս անհաջող պրակտիկան դարձավ ԿՎՀ ձախողումների պատճառը:
Ըստ The Times-ի՝ գործակալության տեղեկատուների շարքում կային նաև «Հիզբոլահ»-ի անդամներ, որոնք կարողացան հիմնական գործակալների ինքնությունը բացահայտել:
Պաշտոնական Վաշինգտոնը հայտնում է, որ «Պիցցա Հատ»-ի վարկածը բացարձակապես կապ չունի ԿՎՀ-ի ձախողման հետ, և լրտեսական աշխատանքը միշտ էլ վտանգավոր է եղել:
Հիշեցնենք, որ գործակալները առևանգվել էին «Հիզբոլահ»-ի կողմից, և նրանց մասին դեռևս որևէ տեղեկություն չկա:
