Facebook սոցիալական ցանցը պատրաստվում է թողարկել Buffy սմարթֆոնը:
Ինչպես հայտնում է All Things Digital՝ վկայակոչելով անանուն աղբյուրներին, սարքը սոցցանցի համար պատրաստելու է HTC ընկերությունը: Սմարթֆոն արտադրելու հարցում գործընկերոջ ընտրությունը Facebook կատարել է վերջերս: Վերանայվել է նաև Samsung-ի հետ համագործակցության տարբերակը: HTC-ը արդեն Facebook ծառաություններում տեղադրում է իր սարքերը. Այսպես՝ որոշ մոդելներում (օրինակ՝ HTC Salsa и HTC ChaCha) կա Facebook սոցցանցի հասանելիության կոճակ:
Հայտնի է, որ « Facebook սմարթֆոնը» աշխատելու է Android օպերացիոն համակարգի հիման վրա: Նրա առանձնահատկություններից մեկը հավելվածների թողարկման ժամանակ HTML5-ի առկայությունն է: Թե ինչպիսի ծրագրեր են տեղադրվելու սարքի հիշողության մեջ՝ դեռ հայտնի չէ: Սարքի թողարկման ժամկետները նույնպես չեն նշվում, սակայն սպասվում է, որ այն տեղի է ունենալու մեկուկես տարի հետո:
All Things Digital տեղեկատուի տվյալների համաձայն` Facebook-ի կողմից HTC-ի հետ համատեղ նախագծում պատասխանատու է Բրեդ Թեյլորը` սոցցանցի տեխնիկական տնօրենը: Facebook-ի ղեկավարությունը պաշտոնապես ո՛չ հերքում, ո՛չ էլ հաստատում է սմարթֆոնի ստեղծման փաստը:
Facebook-ի` նաև բջջային սարքերի շուկա դուրս գալու մտադրության մասին լուրը ԶԼՄ-ներում առաջին անգամ հայտվել է 2010 թվականի սեպտեմբերին: Այն ժամանակ ասվում էր, որ սոցցանցը համագործակցում է INQ Mobile սմարթֆոններ արտադրող բրիտանական ընկերության հետ, սակայն հետագայում այդ լուրերը հերքվեցին:
