Նոյեմբերի 25-ին` ժամը 13:00-ին, «Կանանց ռեսուրսային կենտրոն» ՀԿ-ից կմեկնարկի «Մի՛ հանդուրժիր բռնությունը» խորագրով երթ, որը կավարտվի 16:00-ին Հյուսիսային պողոտայում խոստման արարողությամբ։
Դրա ժամանակ յուրաքանչյուրը կխոստանա իր յուրովի մասնակցությունը ՀՀ-ում կանանց հանդեպ բռնության կանխարգելման գործընթացում:
Երթին կարող է մասնակցել ցանկացած մարդ:
Կանանց և աղջիկների հանդեպ բռնությունն այսօր լուրջ հիմնախնդիր է ինչպես ողջ աշխարհում, այնպես էլ ՀՀ-ում:
Կանայք և աղջիկները ենթարկվում են բռնության ընտանիքում, փողոցում, ուսումնական և աշխատանքային հաստատություններում, ենթարկվում են ֆիզիկական, հոգեբանական, սեռական ու տնտեսական բռնության:
Ամբողջ աշխարհում ընտանեկան բռնության զոհերի 95 տոկոսը կանայք են:
ՀՀ-ում բնակչության 52 տոկոսը կանայք են` 1.671.012 կին (2001թ. մարդահամար):
