Նոյեմբերի 29-ին Արամ Խաչատրյան համերգասրահում տեղի կունենա ամերիկաբնակ դաշնակահարուհի Սոֆյա Մելիքյանի մենահամերգը:
Հայաստանի սիմֆոնիկ նվագախմբի կազմակերպած համերգի ընթացքում կհնչեն ֆրանսիացի կոմպոզիտոր Գաբրիել Ֆորեի որոշ նոկտյուրններ, Էքսպրոմտ թիվ 2-ն ու 3-ը:
Բացի այդ` դաշնակահարուհին կկատարի նաև հունգարացի կոմպոզիտոր Ֆերենց Լիստի ստեղծագործություններից:
Ս. Մելիքյանը կնվագի կոմպոզիտորի «Գորշ ամպերը» (1875), «Բագատել՝ առանց տոնայնությանը» (1885), «Դ՛Էստե առանձնատան շատրվանները» (1849), «Սգո գոնդոլա թիվ II-ը» (1882), ինչպես նաև «Հունգարական ռադսոդիան» (1882)։
Մենահամերգի ընթացքում հանդիսատեսը կունկնդրի նաև Ռիխարդ Վագների «Տրիստան և Իզոլդա» ստեղծագործությունը:
Դաշնակահարուհին հուրախաղերով հանդես է եկել Իսպանիայում, Գերմանիայում, Ռուսաստանում, Հայաստանում, Իտալիայում, Սերբիայում և ԱՄՆ-ում: Որպես մենակատար ելույթ է ունեցել Հայաստանի ֆիլհարմոնիկ, Իսպանիայի Հեռուստառադիոյի, Մալագայի սիմֆոնիկ, Վալենսիայի սիմֆոնիկ, Անդալուսիայի ֆիլհարմոնիկ և այլ նվագախմբերի հետ։
Սոֆյա Մելիքյանը մասնակցել է Domenico Scarlatti, Valladolid, Ibiza, Canary Islands, BEMUS International Music Festival (Բելգրադ), Creil Festival (Ֆրանսիա) և այլ հեղինակավոր փառատոների:
