Ադրբեջանական Vesti.az-ի փոխանցմամբ՝ չեչեն գրոհայինների առաջնորդ Դոկու Ումարովը սպառնացել է Թուրքիային։ Դա տեղի է ունեցել այն բանից հետո, երբ Թուրքիայում սպանվել են մի շարք կովկասցի գրոհայիններ։
Ումարովը, սակայն, չի մանրամասնել, թե ինչպիսի պատժիչ գործողություններ է կիրառելու Թուրքիայի դեմ։ Նա ընդգծել է, որ կովկասցի գրոհայինները Թուրքիայում սպանվել են ռուս գործակալների կողմից, իսկ թուրքական հատուկ ծառայություններն աչք են փակում դրա վրա։
Հիշեցնենք, որ այս տարվա սեպտեմբերին Ստամբուլի մզկիթում հրազենով սպանվել էին 3 կովկասցի գրոհայիններ, որոնցից երկուսը չեչեններ էին։
Ի դեպ, ԱՄՆ-ը ներկայումս 5 միլիոն դոլար է խոստանում Դոկու Ումարովի գտնվելու վայրի մասին տեղեկատվության համար։
